Забавни видео игри
Внимателно одбрани видео игри кои ги запознаваат децата со повеќе различни жанрови, нудејќи можност за забава, релаксација и надминување на бројни предизвици.
Насловите се достапни на повеќе уреди, и се прикладни за момчиња и девојчиња од седум до дванаесет годишна возраст. Може да се играат на десктоп и лаптоп, како и на таблет или пак смартфон.
Оваа секција вклучува класични игри со добро позната механика, како и нови наслови со интересни концепти и предизвици во кои Вашите деца ќе уживаат. Истите се изработени од талентирани странски автори.
Времето поминато играјќи наскоро ќе може да биде ограничено од страна на родителот, директно преку логирање на профилот, што значи дека Вие ќе имате целосна контрола врз оваа секција од платформата. Ваквата функционалност е во изработка.
Со умерено користење, видео игрите може да допринесат за развој на бројни умствени капацитети, а особено за развој на креативноста кај помладите. [1]
Голема благодарност до Томче Делев кој го прилагоди отворениот изворен код, клонирајќи ја популарната игра Wordle, користејќи React, Typescript, и Tailwind, а својата верзија ја овозможи за бесплатна комерцијална употреба [2]. Сметаме дека Зборле одлично ќе се вклопи во рамките на оваа платформа, каде што се обидуваме да го изградиме најдоброто безбедно дигитално игралиште за деца.
- Jackson, L. A., Witt, E. A., Games, A. I., Fitzgerald, H. E., Eye, A. V., Zhao, Y. (2012). Information technology use and creativity: Findings from the Children and Technology Project. Computers in Human Behavior, 28(2), 370-376
- Отворениот изворен код прилагоден од страна на Томче Делев можете да го пристапите на следниот линк.
