Аудио вежби за медитација
Аудио вежбите се со времетраење од 5 до 7 минути, и претставуваат одлична можност за краток одмор, стапување во контакт со сетилните искуства, како и зголемување на свесноста кај децата.
Кратките вежби за медитација полека стануваат дел од програмата во многу училишта на запад. Ова се должи на големиот број бенефити меѓу кои подобрено внимание и концентрација, градење на здрави психолошки навики, како и намалување на стресот, соматските и анксиозните нарушувања. [1, 2]
Модерното време носи безброј дистракции со кои најмладите тешко се справуваат. Затоа, со вкупно 7 вежби – една за секој ден од неделата – веруваме дека може заедно да допринесеме кон посреќни деца, кои уживаат во сегашниот момент, со многу повеќе внимание.
Вежбите за медитација помагаат и кон намалување на агресијата, стекнување подобра емоционална регулација, како и зголемено трпение. Овие квалитети директно се одразуваат врз способноста да се прати наставата, водејќи кон подобри резултати и во училишната програма. [3]
- Semple, R.J., Lee, J., Rosa, D., Miller, L. F. (2010). A Randomized Trial of Mindfulness-Based Cognitive Therapy for Children: Promoting Mindful Attention to Enhance Social-Emotional Resiliency in Children. Journal of Child and Family Studies 19, 218–229
- Sibinga, E. M. S., Webb, L., Ghazarian, S. R., Ellen, J. M. (2016). School-Based Mindfulness Instruction: An RCT. Pediatrics, 137 (1), e20152532
- Schonert-Reichl, K. A., Oberle, E., Lawlor, M. S., Abbott, D., Thomson, K., Oberlander, T. F., Diamond, A. (2015). Enhancing cognitive and social-emotional development through a simple-to-administer mindfulness-based school program for elementary school children: a randomized controlled trial. Developmental psychology, 51(1), 52–66
