Фитнес Час – динамични вежби за здраво детство
Релевантната литература укажува на фактот дека физичката активност ја менува самата структура на мозокот, и влијае врз подобрување на когнитивните и училишни перформанси, како и егзекутивните функции. [1, 2, 3, 4] Затоа, време е да се посветиме на создавање витална младина која ќе гради здрави навики уште од раната школска возраст.
Вашето дете ќе има целосен пристап до сите возбудливи епизоди на Фитнес Час, каде ќе практикува стотици различни движења кои овозможуваат разни предизвици, многу забава и смеа. Секоја епизода има засебен фокус, и времетраење од околу 20 минути, а инструкторот ги води децата низ целиот процес.
Програмата нуди 12 видеа, со вежби прилагодени за рана школска возраст. Опфатени се сите мускулни групи, а се работи и на флексибилност, рамнотежа, координација, брзина и сила. На овој начин се раѓа и љубовта кон спортот, а главната цел е децата да ја засакаат физичката култура пренесувајќи ја играта на отворено.
Покрај бројните здравствени придобивки, физичката активност ќе допринесе и кон зголемена самодоверба [5], што е од особена важност во раниот училишен развој. Поради ова, и останатите споменати бенефити, Фитнес Час беше првиот модул на кој почнавме да работиме.
- Chaddock, L., Erickson, K. I., Prakash, R. S., Kim, J. S., Voss, M. W., VanPatter, M., Pontifex, M. B., Raine, L. B., Konkel, A., Hillman, C. H., Cohen, N. J., Kramer, A. F. (2010). A neuroimaging investigation of the association between aerobic fitness, hippocampal volume, and memory performance in preadolescent children. Brain Research, 1358, 172-183
- Voss, M. W., Chaddock, L., Kim, J. S., Vanpatter, M., Pontifex, M. B., Raine, L. B., Cohen, N. J., Hillman, C. H., & Kramer, A. F. (2011). Aerobic fitness is associated with greater efficiency of the network underlying cognitive control in preadolescent children. Neuroscience, 199, 166–176
- Visier-Alfonso, M. E., Sánchez-López, M., Martínez-Vizcaíno, V., Jiménez-López, E., Redondo-Tébar, A., & Nieto-López, M. (2020). Executive functions mediate the relationship between cardiorespiratory fitness and academic achievement in Spanish schoolchildren aged 8 to 11 years. PloS one, 15(4), 231-246
- Hillman, C. H., Pontifex, M. B., Castelli, D. M., Khan, N. A., Raine, L. B., Scudder, M. R., Drollette, E. S., Moore, R. D., Wu, C. T., & Kamijo, K. (2014). Effects of the FITKids randomized controlled trial on executive control and brain function. Pediatrics, 134(4), 1063–1071
- Ekeland, E., Heian, F., Hagen, K. B., Abbott, J., & Nordheim, L. (2004). Exercise to improve self-esteem in children and young people. The Cochrane database of systematic reviews, 1, CD003683
