Кратки приказни од сагата за галаксијата Аривега
Кога детето зема книга во рака, наеднаш мора да прифати еден невидлив договор. А договорот е дека постои само еден начин да се искуси приказната – читајќи, страна по страна, линеарно и во еден правец. Секако, ова нуди големи придобивки – децата учат да го задржат своето внимание, да осознаат еден поширок наратив движејќи се страна по страна, и да вежбаат одложено задоволство. Меѓутоа, постојат и други начини преку кои може да се искуси фиктивниот свет. Движејќи се низ мрежата на информации, ликови и приказни која ја создадовме, децата ќе ја зајакнат својата автономија и внатрешна мотивација, развивајќи уште поголема љубов кон пишаниот збор.
Намерно го избравме концептот за голема галаксија во која постојат 12 сектори, како би имале можност да претставиме различни тропи, архетипови, и фиктивни локации. Ова ни ги одврза рацете да создадеме бројни приказни, кои се забавни, мистериозни и секако поучни. Можностите за раскажување на авантури се неограничени, а Вашето дете, со помош на мали чекори и целосна автономија, ќе ја зацврсти својата внатрешна мотивација, читајќи повеќе од ден на ден. Низ приказните преовладуваат фиктивни елементи, но постои простор и за споделување на знаења од природните и општествени науки.
Поврзани со ликовите од картите
Секоја недела ќе излегуваат нови приказни кои раскажуваат за авантурите на одредени ликови од колекционерската игра со карти. Можете само да замислите колкав е интересот за приказните кога картата која Вашето дете ја чува во својата колекција наеднаш добива нова приказна зад неа, поврзувајќи ја со други ликови и настани од галаксијата. Сагата за Аривега, во склоп на богатиот интерактивен модул за истражување, е најголемата и најбогата приказна за деца некогаш создадена на македонски. Дозволете му на Вашето дете да заплови во еден магичен свет.
Зачлени се
